【Viu】一連3場《EDAN LUI “IN MY SIGHT OF E” SOLO CONCERT 2023 》噚晚圓滿結束，Edan邀得偶像五堅情嘅邱鋒澤同陳零九做嘉賓，真係追星界天花板呀！邱鋒澤大晒廣東話多謝Edan邀請，又問佢完騷最想做咩？點知Edan好猴擒嘩話想去鋒澤間房……傾偈，兩人合唱《一表人才》，鋒澤仲大讚T台好正，自己加beat行Catwalk。其後Edan同「九澤CP」合唱《天黑請閉眼》，鋒澤繼續對T台大表不捨，好搞笑呀！
Edan又自爆臨上台前爆褲鏈，好驚跳唱《霸道總裁》時露出孖煙囪；又即席回答Fans問題，除咗同大肚爵屎傾偈外，又否認5膠對佢嘅「鹹濕指控」。最後Edan兩度Encore，仲順應Fans要求唱出《iSWIM》同《大叔的愛》主題曲，又笑言叫睇騷嘅「余浪沖」Jeffrey同「黃亞樂」出嚟挑機，成個騷開心又繽紛，難怪佢自評有80分啦！
