【Viu】電影《全個世界都有電話》噚晚舉行試映場 x 音樂會，主演Endy周國賢、麗英、周漢寧，以「嬲」字姿態出場受訪！Endy笑自己同戲中角色一樣咁
遴迍唔見電話，每次唔見即買，高峰期試過2個月內加埋有3部！
麗英就話今次有唔少突破，除咗處女漂染頭髮、大騷巴渣性格之外，仲要喪流利爆粗，簡直係同現實乖巧嘅自己差天共地咁話呀！佢又搞笑話練爆粗嘅對象分別有程人富同阿寧，果然夠老友！阿寧呢次孖麗英唱插曲《網騙》，搞笑話本身以為喺樓下Music Zone獻唱，一知道係喺StarHall即嚇一跳！真係笑爆嘴！佢同麗英亦希望可以跟住前輩Endy搵食，擔任佢嘅演唱會嘉賓，麗英仲自爆Endy寫咗隻歌俾自己添啊！
