【Viu】Endy周國賢同Juno麥浚龍將於7月8號喺亞博合體開騷，原來二人早於08年因為拍旅遊節目而變熟，Endy話：「麥先生本身都好認真，但唔知點解撞落我度就好無聊，大家有一個好神奇嘅化學作用喺度。」Juno接力話：「做完旅遊節目先正式第一次音樂上合作，做咗〈從此世界多了一分鐘〉。」
雖然相識多年，但Endy同Juno其實喺2015年先首次同台演出，當時係Endy邀請Juno做演唱會嘉賓，今次再合作簡直係天時地利人和，仲預告帶無限驚喜畀觀眾。佢哋透露Solo部份會各自帶Band上台，甚至唔知道對方嘅歌單，展現出battle嘅感覺之餘亦希望表達出惺惺相惜嘅音樂交流，Juno仲揚言表演從未唱過Live嘅作品喎！
