【Viu】 「跟住落嚟嘅參賽者係……」相信追開《全民造星》嘅觀眾，都聽咗強尼大哥講呢句opening無數次，身為《造星》嘅五朝元老，強尼大哥同大家細數5屆《造星》嘅不同之處，仲話今屆嘅參賽者質素最高，表演超級好睇，所以淘汰嘅標準都高咗。講到花姐退居顧問，強尼直認節目冇咁火爆，但CM老師同耀Sir已經自動補位，自己都會喺綵排時同參賽者反映觀眾意見，笑中有淚！
講到最難忘嘅片段，強尼大哥首推《造星III》總決賽，事關當時疫情嚴峻，令佢喺零現場觀眾嘅九展主持；又大讚《造星IV》嘅Marf天生冠軍相！
強尼直言主持《造星》嘅同時，令佢對表演充滿熱誠，亦帶挈知名度上升，之後先有機會拍劇同拍電影，仲話想喺主持以外，挑戰更多戲劇演出添！
