【Viu】Cecilia蔡思韵、周漢寧、袁富華、唐浩然、小胡@野佬等噚晚出席電影《燈火闌珊》首映禮，而張艾嘉、任達華則因身在外地，咁sweet預先錄短片，隔住個mon「現身」！
當聽到飾演張姐同華哥個女，Cecilia笑話係勁沾沾：「相信佢哋嘅基因『生』咗我！」又劇透喺戲中同阿寧係水溝油，經常單方面開拖，令阿寧自嘲無力反駁，但為保留男人嘅「樽鹽」就死忍，有場戲仲要考驗雙方默契一shot直落，齋聽都覺得精彩！
講到《燈》入圍唔少演技獎項，Cecilia直言希望張姐能夠喺金像獎再下一城捧走影后，又祝福阿寧擸走新演員獎！人生首次參與盛典，阿寧話心情興奮多過緊張，依家揀緊戰衣，亦會做定兩手準備諗定致謝詞！
