【Viu】Jeremy李駿傑今日以霸道總裁Look出席《網上行夢想系MOOV LIVE JEREMY》記者會，公佈8月30號喺會展舉行solo concert，佢仲笑言收到花姐通知喜訊後，以為係Send錯畀阿Jer柳應廷，「真．米媽」仲興奮到狂尖叫，又叫阿仔記得留飛，認真搞笑！
Jeremy預告有一半時間會唱跳，除咗妖嘅風格，仲有Man爆跳唱，咦？咁莫非要除衫騷肌？佢直言最近密密操肌，但以某隊友為指標，只要對方除衫晒冷，自己就跳出「蘋果肌」嘅comfort zone！想知道Jeremy點樣備戰solo concert，記得收睇足本訪問喇！
