【Viu】小明方皓玟一連兩場亞博騷《KATCH OUR LIFE》今晚尾場，佢一嚟就戰鬥格，吊帶加晒絕對領域，擰轉後面嗰陣仲晒背肌同pat pat「微笑線」，火辣到爆！
如頭場一樣有JNYBeatz做嘉賓同小明jam《Freedom》，JNYBeatz更為全場帶嚟驚喜，唱緊《你是我的Bae》嗰陣，突然大叫193@ERROR個名，點知一身西裝look嘅33真係跑咗出嚟，全場勁尖叫！
去到個騷中後段，小明唱《All We Have Is Now》嘅時候，介紹是晚嘉賓「宇宙天團」ERROR！又一輪尖叫喇！四子仲輪流flirt小明添！小明自爆因為睇到四子嘅普通話訪問而入坑，ERROR即腦筋急轉彎抵死改用普通話唱《All》，二度令小明爆笑！適逢今日係「520」，四子應節唱《愛情值日生》之餘又玩情侶kiss cam，即刻去片感受現場粉紅泡泡！
