【VIU】豹哥陳蕾今晚著到靚靚出席《CHILL CLUB推介榜年度推介22/23》頒獎禮，仲榮獲年度女歌手銀獎可以上台領獎，點知俾MC呢位豬隊友坐住咗條裙，搞到佢方寸大亂，但MC竟然射波話罪魁禍首其實係洪嘉豪先真，呢個真係要睇返playback先知喇！豹哥又講到今晚冇份表演係因為呢排忙緊準備拉闊音樂會，實在分身不瑕，所以佢都勁佩服Ian同AK兩位拍檔！
MC張天賦憑住歌曲《小心地滑》攞到年度另類歌曲同“Genre of The Year” 兩個大獎，所以就算攞唔到男歌手獎都一啲唔覺得失望，不過下年都會以男歌手獎為目標繼續努力！而且MC仲劇透嚟緊會同陳蕾有音樂上嘅合作添，真係好令人期待啊！
