【Viu】Ivy蘇雅琳為ViuTV原創劇《和解在後》終於出街，第一次擔任女一嘅佢自然feel到有壓力，拍劇對佢嚟講好陌生，特別係收到劇本時無從入手嗰吓先最緊張，好彩Ivy喺劇組遇到熟悉嘅面孔，例如Sica、阿祖、阿Yem、珈其，同埋有導演恆仔嘅幫忙下，令佢可以輕鬆投入角色。Ivy喺劇入面飾演法律系畢業生⽅圓，因為搵唔到法律相關工作，暫入調解中心做實習生，當中專業嘅術語真係考起佢㗎。今次佢亦有感情綫，同型男Will柯煒林演一對情侶，雖然當中冇激烈嘅親熱戲，齋係sweet嘅互動，拖個手仔已經令佢紅都面曬喇，不過佢竟然話想試吓演愛情偶像劇，同ERROR演返齣《惡作劇之吻》!
