【Viu】兩大歌姬Serrini、Ivana王菀之再合體出席珠寶活動，兼二度為《誅神的黃昏》拍攝全新MV，今日現場率先播放！Serrini透露嚟緊4月頭會推出新歌MV，係努力微笑跑數得嚟嘅成果，又不忘為Ivana宣傳嚟緊2個音樂會，勁有愛！而Ivana自爆有朝突然嘔，唔知係因為壓力太大、抑或係前晚食咗個大木瓜出事！
提到Serrini新節目《條女飲到不列顛》即將播出，佢即刻勁hyper介紹，又利申過程中冇飲醉，因為飲酒係要享受，至於有冇艷遇？Serrini用三個字霸氣回應。Ivana自稱天生係酒筲箕，但又唔飲酒？
另外，Serrini會為歌神許冠傑紅館騷擔任嘉賓，笑話簡直係光宗耀祖，令屋企人覺得佢終於有存在價值，會努力做人唔令爸媽失望，但同時呼籲爸爸唔好叫佢去搲簽名、合照，真係笑爆嘴！
