【Viu】香港歌手Joyce鄭欣宜一連三場《Believe Us》紅館演唱會噚晚尾場，Encore時全場大合唱《女神》時，令Joyce感動爆喊，再專誠坐喺台邊獻唱第一首派台歌《兄弟》，場面感人，最終5度Encore先完騷，尾場瘋狂Encore是常識吧！
Joyce直言3場唔夠喉，最希望衝出香港開巡迴演唱會！講到「老公」Anson Lo送咗兩個花籃，Joyce沾沾話：「少少威啦！」而嗲哋鄭少秋同樣唔喺香港，未能捧場。Joyce又自爆遞咪畀Fans大合唱時淆晒底，事關如果觀眾唔識唱就會「好數字」，仲笑言比起同Do姐鬥嘴更加淆底呀！問到點解唔趁Do姐追問感情狀況時公開戀情？佢就即刻扮血糖低耍太極喇！
