【Viu】林家謙今日現身公開活動，提起佢日前踩入老友Serrini母校中大開校園騷，家謙即刻開mean mode笑話：「大把人嘅母校啦！淨係佢母校咩？」嗰日佢仲high到dem埋beat，問佢想唔想同Serrini一齊dem番轉，家謙又9秒9 say no：「佢會甩beat！」呢吓真係重擊真美心靈！
至於另一老友「程總」Tyson Yoshi近日開gym room，同張敬軒有個共同目標就係操爆家謙變筋肉人，當事人聽到笑話好嘔心，不過家謙都話的確有某身體部位想改變，咁啱Serrini最近都keep緊fit，咪又可以孖住去囉？想知家謙肯唔肯？即刻去片睇足本訪問啦！
