【Viu】Tiger@MIRROR、Winka@COLLAR、黃妍、趙善恆、黃奕晨今日出席《演奏 1 TAKE過》記者會，Tiger透露同黃妍拍攝時整爛價值不菲嘅手碟，相當肉赤！咁有冇因為節目接觸樂器而想出solo呢？虎仔就話想出小組歌先，仲暗示就快成事㗎喇！
講到新年將至，Tiger透露新年會陪家人，咁會唔會學Alton咁開支票畀媽咪任填當大利是呢？Tiger就搞Gag怪Alton玩到咁大，但唔一早單聲。問到有冇打算學同齡嘅姜濤買樓獎勵自己？虎仔就話想買車多啲喇！
此外，Winka透露新年會學Bass自我增值，連女人最愛嘅Gel甲都肯放棄，希望3月同So Ching開騷時可以型爆表演！
