【Viu】GiGi梁詠琪今日著7吋高踭鞋舉行演唱會《時間遇上我們》記招，嘩又高又瘦又靚咗！GiGi話呢幾年茹素，所以都清減咗少少，佢仲話今次個騷會唱多啲經典歌，嘩仲唔係歌迷福利。今次GiGi紅館騷係2月17至19三場，問佢點解唔喺2月14情人節舉行？佢笑言：「因為14號唔係星期五、六、日囉！我而家多咗啲新觀眾，係阿女同學啲媽咪，佢哋話如果喺星期五、六、日開騷就可以嚟睇，佢哋仲會直接同我訂飛。」
講到吳君如話GiGi呢幾年唔同咗，GiGi話自己都覺得係，可能因為成熟咗有啲轉變！而君如正籌備《闔家辣》原班人馬拍新戲，主題係打麻雀，GiGi都話希望可以參與。
