【Viu】ERROR成員193郭嘉駿第3首個人單曲《越州公路193》嘅MV，噚晚正式上架喇！大家見到今次MV女主角竟然係Do姐鄭裕玲，驚唔驚喜？意唔意外先？而且今次仲係Do姐處女下海第一次客串MV！Do姐話今次應承拍MV係出於對33嘅愛無以為報，點知33竟然話客串MV都未夠，仲想搲撈做Do姐電台節目嘅客串主持！
其實Do姐今次客串一毫子酬勞都冇收，真係好大人情！33呢次真係無以為報，所以只要Do姐開聲，幫佢打掃屋企都冇問題。其實33嘅最終目的都係想參觀Do姐嘅豪宅，仲話會推輪椅帶埋姜濤一齊嚟，Do姐聽到即刻開心晒啦！
