【Viu】 ERROR成員193郭嘉駿第3首個人單曲《越州公路193》MV今晚正式上架喇！今次首新歌特別送俾佢至愛嘅Fans「老婆」，答謝大家一路以嚟嘅支持，唔止請嚟謝安琪監製、張繼聰作曲、黃偉文填詞嘅星級創作班底，MV仲特別搵嚟Do姐鄭裕玲客串，真係鑽石級陣容啊，33仲話：「MV當中需要一個好高貴嘅角色，而我心目中最高貴嘅就係Do姐，所以諗住碰下運氣，問下又唔使錢，點知佢一口答應咗！」
而Do姐今次客串冇收取任何酬勞，只要求拍得夠靚，193呢次真係無以為報，所以只要Do姐開聲，幫佢打掃屋企都冇問題，仲下巴輕輕應承Do姐：「最多約埋姜濤一齊嚟。姜濤而家整傷隻腳，我可以幫手推輪椅。」Do姐聽到即刻開心晒：「好喎！無任歡迎，ERROR其他3個可以唔要了！」 其實除咗Do姐，33仲搵咗30名Fans參與演出。不嬲眼淺嘅佢一提起班支持佢嘅歌迷都即刻有啲眼濕濕：「呢個MV
