【Viu】Anson Lo盧瀚霆、Jer柳應廷、黃德斌、簡慕華、Jeffrey魏浚笙、娟姐、Asha、麗英同霍哥等，今日出席ViuTV原創劇《百萬同居計劃》記者會，「柳3歲」全程上線，仲即席挑機Jeffrey拗手瓜，搞到「紅都面晒」，笑爆嘴呀！不過阿Jer都冇認輸㗎，大讚自己有進步，仲踢爆AL比自己更快被KO。自認大隻咗嘅阿Jer，又口爽爽話唔介意露肉，搞到阿Lo猛咁追問幾時找數，仲笑言要幫阿Jer設計三點式唱片封面，配合對方artistic嘅歌，笑cry呀！
至於沾沾嘅Jeffrey就被爆做引體上升輸畀德斌兄，又笑言如果收視好要拉埋對方一齊做引體上升咁話！Jeffrey又講返女友因細菌感染而入院，自己會貼身照顧，但唔會下廚，最多買冇咪精外賣。此外，麗英大爆教主嘅暖男舉動，直認對佢心心眼呀！
