【Viu】微辣嘅「家姐細妹」佩男同思男經常孖公仔出入，唔單止一齊拍片，早排仲一齊喺澳門開Cafe添，兩姊妹真係鬼咁好感情，不過佢哋就話感情變好反而係呢幾年嘅事，仲自爆曾經試過為咗cafe而吵大鑊，但家姐金魚記憶，阿妹唔講起，佢都完全唔記得啊！
講到感情生活，家姐就趁機投訴話唔了解阿妹嘅戀情，但即刻被踢爆係佢自己拒絕聽阿妹講情史，咁搞笑得唔得㗎！依家兩姊妹經常喺香港生活，被問會唔會考慮同香港男仔拍拖，家姐就話唔想拍香港式Long D，想對方隨傳隨到啊！佢哋仲分享自己心目中嘅男神，講唔明齋睇外表嘅阿妹越數越多，仲位位都係型男嚟嘅添，搞到家姐都忍唔住話佢好濫，真係笑死啊！
