【Viu】 保錡@ERROR、許賢同Dickson余德丞今日出席《NOW FIFA世界盃 2022發佈會》，保錡同賢哥仲即席晒球技，猛呀！ 盛傳ERROR 12月開騷，保錡就話等公司宣佈，但自己會設計一段新對白謝謝賣飛，告別上次嘅「MakerVille地底泥」港普偉論，期待呀！佢又話準備為新劇開工，期待同宣萱合作，笑言希望今次做一個唔會咁快死嘅古惑仔！至於網友集氣開拍《Do姐ERROR遊》，保錡希望帶Do姐歎世界，仲明言就算Do姐叫都唔會再挑戰笨豬跳，廢事當場瀨尿！ 至於Dickson都對Do姐喺節目宣布離巢感震驚，完全冇先兆，但唔敢搵Do姐合作拍Youtube，因為一定彈佢鐘！此外，許賢撐出爐校花510心理質素好，無懼負評。
