【Viu】 《試當真校花校草2022》噚日舉行畢業禮，公佈冠軍校花校草係510同Stone，佢哋仲即席簽約做《試當真》藝人，同埋獲頒10萬蚊獎金。Stone話會「萬歲」請一班花草食飯，包括恩師許賢；510就話想買廚師機獎勵自己。佢哋都話得獎時死忍眼淚，510仲笑言廢事喊到影響巿容；Stone直認完場後即刻爆喊。 至於亞軍皓嵐同Shadow冇失望，亦希望入行；奪「台慶月大短片獎」嘅阿康泰妹，就希望以組合出道。此外，老闆游學修、許賢同蘇致豪笑言想簽晒所有花草，組成唔唱歌跳舞嘅Youtube男女團，盡情享受「剝削」別人嘅快樂，記真鬼馬！
