【Viu】由試當真主辦嘅《校花校草》選舉，當中兩位冠軍Stone同510，正式簽俾試當真成為合約藝人。而亞軍皓嵐、Shadow同季軍嘅泰妹、阿康都會繼續朝住幕前發展，既然大家講到自己對演戲咁有熱誠，不如嚟個演技大挑戰騷吓quali啦！佢哋而家曝光率多咗，佢哋IG嘅follower都增加咗，亦會收到好多鼓勵打氣嘅說話，不過有正評就有負皮，咁多位又會點面對呢？講到早排Stone、泰妹、Shadow同埋510出演Dear Jane嘅新歌《到底發生過什麼事》MV，泰妹同Stone有親密戲，呢位新人演技firm到搞到人喊曬口，佢都好多謝觀眾嘅鍾意呀。各位校花校草開始演出唔同嘅作品，觀眾對每位都有讚有彈，究竟佢哋之間會唔會互相比較？
