【Viu】倪晨曦、Tyson Yoshi、林愷鈴、Hilary Fan等人昨晚出席商場相展揭幕活動，懷有身孕的倪晨曦（Elva），預產期為下月中，她笑言心情既緊張又興奮又期待，懷孕過程感覺好奇妙，亦很享受BB喺腹中嘅感覺，但同時覺得辛苦，皆因體重越來越重。講到BB出生後，屋企有三條King，elva笑言日後自己地位會更高，但跟老公講不要夾埋兩個囝囝蝦佢，但無意再追生多個女，覺得兩個仔夠晒數。
林愷鈴透露上個月大學畢業，亦打算報讀短期課程，並專心在演藝界發展，過幾年先會再讀碩士課程。講到有份演出ViuTV原創劇《繩角》稍後推出，林愷鈴坦言好緊張，因為係佢首部演出嘅電視劇，但自覺演技幼嫩，不過勝在角色似她。提到跟AK、 Lokman合作，她笑言被朋友妒忌一定有，但完全唔驚fans妒忌，因拍攝過程中見過佢哋真係好愛錫偶像。
