【Viu】ViuTV全新節目《姊妹們的國際市場》由Dickson余德丞同阿正黃正宜做主持，節目請嚟5位外國男士，同5位港女包括Dee姐陳海寧、李昭南、Sica何洛瑤、馬曉晴同王嘉盈作戀愛配對，而阿正同Dickson就好似組爸組媽一樣幫參加者射愛神之箭。今次被點燈嘅5個女仔，某啲身材非常好，連平時自信爆棚嘅正姐唔敢正視佢哋，又緊張到唔敢亂講嘢；Dickson就心郁郁落場玩，想同各位參加者切磋切磋。阿正又發現Dickson比自己想像中更狂野，大爆佢有性格缺陷，仲封佢為「冷都男」，不過Dickson反而好欣賞阿正，仲話佢符合佢心目中嘅女神形象添！
