【Viu】Joyce鄭欣宜完咗6月紅館騷之後，返咗加拿大探親，然後又即刻趕返嚟炮製新歌《GLITTERFALLS》，喺MV入面Joyce造型勁百變，以多個女神Look又唱又跳，勁mm7！歌名有「灑金粉」嘅意思，Joyce希望藉住呢首歌提醒大家去擁抱自己獨有嘅magic，另外今次合作嘅dancers一共有10位，全部都係Joyce親自挑選出嚟，位位都咁有個人風格，加上Joyce係第一次同咁多位dancers一齊拍MV，佢都講笑話覺得自己有少少威水！而為咗隻舞，Joyce私下都不停練習，就算開緊工都會對住塊鏡不停跳，真係落足心機㗎。
