【Viu】Alfred許廷鏗、Janice衛蘭、林奕匡、葉巧琳、樂隊Dear Jane同Zpecial，噚晚喺灣仔會展為《新城台慶音樂會》唱足全晚。提到日前喺林家謙演唱會上，Alfred同King@C Allstar喺唔同表演日子上隔空撞衫，更有網絡插畫師畫低呢一幕，並笑稱「史詩級撞衫」，當事人Alfred同King都有大方轉貼畫作。唯獨Alfred嘅造型師Ray極不滿，喺IG限時動態發文，話自己因為對C AllStars（C AllStar）完全冇興趣，冇聽佢哋嘅歌，更加唔會留意佢哋，所以先犯下錯誤。串爆留言令網民不滿，Alfred噚晚就呢件事代造型師同King鄭重道歉！Alfred亦坦言已同造型師溝通，以後唔會再發生同類型事件咁話！
而同場嘅Dear Jane原本8月24日同C Allstar開騷，可惜「馬鞍」來襲被迫延期，四子無奈表示唯有當俾自己預備好啲。而Janice亦準備好9月17日做妹妹Jill音樂會嘉賓，年尾出碟嘅佢，今次會用全女班底造歌，亦會有自己創作嘅歌。
