【Viu】由保錡、杜如風同Kathy仔王頌茵，主持嘅ViuTV新節目《拆你個夢》已經播緊喇，節目搵嚟解夢師Binky辛巧琪一齊幫藝人嘉賓解夢，包括193、COLLAR成員阿Day同Ivy So，田關智斌、何超儀、黃又南同埋七師傅等等。杜如風以前拍開旅遊節目一個人撐晒場，今次要夾兩位拍檔仲要面對30位嘉賓，佢都話好有挑戰性呀！
佢哋喺節目入面負責幫嘉賓重組夢境，拆解當中既迷思，原來保錡都識啲嘢，仲即席為兩位拍檔解夢，杜如風仲幫佢改咗個名叫做吳伊德「弗洛吳伊德」添！日有所思夜所夢，保錡、杜如風同Kathy仔都分別夢見過男神張家輝、梁朝偉同林宥嘉，佢哋個夢境究竟可以去到幾癲？咁同ERROR朝見到口晚見面，唔知保錡又有冇夢見兄弟呢？
