【Viu】曾參加《全民造星IV》的樂壇女新人藍月（Hailee），Hailee未入行前其實係迷妹一名，無論韓團定MIRROR，Hailee都一樣咁冧呀，「BTS、BIGBANG都鍾意，對BTS比較瘋狂，會去澳門又訂埋酒店房，連睇兩場演唱會，買到最前嘅位置，啲零用錢都用曬嚟追星！」Hailee近年就愛上MIRROR，作為「神徒」嘅佢更被Anson Lo堅毅嘅精神吸引住，「很欣賞佢一直堅持好鍾意做嘅嘢，佢好努力唔會放棄自己嘅夢想，好值得我學習。」除咗鍾意教主外，Hailee仲好欣賞Jer嘅唱功，喺舞台上Charm到爆嘅表演，「佢嘅舞台上表演時，視綫唔會有片刻想離開佢。」Hailee齋講阿Jer已經心心眼，如果俾佢見到真人仲得了嘅？
Hailee最近獲吳林峰同T-Rexx合力炮製第一首歌《用手說的髒話》，佢透露喺現實同網絡都試過被言語欺凌，今次新歌唱出自己嘅心聲，「藉住呢首歌，勉勵而家或曾經被網絡上嘅網民攻擊過嘅人，希望佢哋同我一樣，勇敢為自己發聲。」
