【Viu】噚日一定係大好日軒公開庫，零晨喺IG開Live送大禮，幾乎連櫃桶底都摷埋出嚟！上至比利時名貴果籃，下至街市10蚊3個嘅檸檬，只要你舉手留言軒公通通都送俾你！佢仲好百厭幫粒檸檬冠埋姓氏，叫做「謝檸檬」，不過佢都有少少淆底㗎，仲話希望大師兄謝霆鋒千祈唔好睇到個Live添啊！有眼利網民仲發現軒公同佢成班Friend，包括Serrini、林家謙、Tyson Yoshi同姜濤等等，都將IG 頭像轉晒做螢光綠色！原來大家係幫Tyson 8月嘅演唱會造勢，螢光綠色就係海報嘅主題色，真係好有愛啊！
軒公開庫大派「謝檸檬」 為Tyson 8月個唱轉綠色頭像
軒公開庫大派「謝檸檬」 為Tyson 8月個唱轉綠色頭像
