【Viu】Alina李炘頤、龔慈恩同倪秉郎今日出席港台劇集記者會，首次孭飛重戲份嘅Alina，仲要挑戰輪椅舞，事前學足一個月，仲拎埋兩部輪椅回家練習，好彩男朋友Stanley@MIRROR冇嫌阻礙咋！除咗練輪椅舞練到手攰，Alina今次仲要拍喊戲，好彩龔姐同郎哥教路，最終一Take過完成，叻豬呀！
至於全城瘋搶MIRROR演唱會飛，「巨龍嫂」唔敢擔保自己有飛，噚日為咗幫朋友，仲開咗4台Devices搶飛，但最終都係無限Re-try！講到Stanley日前喺ig放負，Alina解釋男友只係忙拍劇見攰啫，自己會煮返兩味氹返佢，真係巧Sweet！
