【Viu】平時行路有風自信爆棚的Lezlie，因乜事喺噚晚嗰集《肥美人》喊得咁淒涼？原來12強佳麗為咗爭奪8強名額，要挑戰重現《全民造星IV》嘅經典舞台，而Lezlie呢組負責表演《Come on, Bad boy!》，點知當佢一見到條片，就成個人陷入恐慌，喊到收唔到聲！原來影片嘅其中一位《造星》參賽者曾經欺凌過佢！此話一出，片中4位主角Sica、暐翹、東東同Liu哥，忽然變成最大嫌疑人！雖然Lezlie冇點名指出真兇，但佢講過自己初中時曾被同學欺凌，相信涉事者可能同佢差唔多年紀喎！究竟係邊個？大家就要自己估吓啦！
