【Viu】人稱「Rock Sir」嘅跳舞及排舞老師方家諾，自從大學開始接觸舞蹈後，便成為「一生中最愛」，無論家人反對，抑或待遇欠佳，佢都冇放棄跳舞，喺舞蹈界奮鬥廿幾年！自從幫本港天團MIRROR排舞後，Rock Sir坦言多咗好多人對學舞有興趣，最難忘一日教足4場《Megahit》跳舞班，搞到佢差啲油盡燈枯。同MIRROR識於微時嘅Rock Sir，細數同鏡仔嘅難忘事，仲大讚佢哋有義氣，會幫舞蹈員爭取更好待遇，改變咗呢個行業嘅同時，亦提升咗觀眾嘅品味，令大家知道好嘢係值得使錢！Rock Sir又會親授Anson Kong同Alton嘅合唱歌《Rebound》舞蹈，仲會開金口自彈自唱添，嘩，會唔會太有才華呢？
