【Viu】晉升《全民造星II》十強嘅Hugo丘凱雄，因為參加節目認識咗當時係造星II writer嘅Dayze，舊年4月組成「惡夢扭蛋」，以獨立音樂人勇闖樂壇，值得令人佩服嘅係佢哋上一首作品居然喺零成本情況下完成，真係講出嚟都驚冇人信啊！其實Hugo同Dayze都各自有正職要兼顧，又要返工又要做音樂，佢哋都話根本冇時間拍拖啊！而講到近年香港樂壇多咗咁多新臉孔，佢哋都一致認同因為多咗《造星》呢個平台俾有才華想追夢嘅人一個機會，又啱啊！Hugo咪就係其中一個人板囉！最後佢哋表示籌備緊新歌，希望暑假後推出，仲即席唱返幾句比大家聽添！
