【Viu】舊年重返樂壇嘅林峯已經有成年幾、兩年冇上音樂節目，今日佢就以歌手身份，參與ViuTv音樂節目《Chill Club》嘅錄影，今次仲係林峯第一次上ViuTV，所以佢事前都非常期待，仲話好開心Joey哥(Joey Tang)今日在場，令佢淡定少少！而早排推出嘅新歌《幼稚未完》，登上電台音樂排行榜No.1，成績相當好啊！林峯仲透露有啲新歌已經錄好，但未正式推出，之後亦希望推出多啲廣東歌，Fans聽到一定勁開心啦！而作為樂迷，對於而家樂壇百花齊放，佢都表示好開心，仲話希望有機會同唔同嘅歌手、音樂人合作，擦出新火花啊！
