【A&M Diary】燒鵝可以話係香港嘅美食代表之一，而尖沙咀嘅棋子燒鵝就係我哋其中嘅心水推介！記得第一次去棋子燒鵝嘅時候，全因路過見到掛在櫥窗，一隻隻油光十足嘅燒味。除咗吸引我哋嘅目光，棋子燒鵝嘅燒鵝皮脆肉嫩，鵝油香盈，成為我哋每次旅行回港後嘅思鄉美食飯堂。
棋子燒鵝：原隻燒鵝髀飯
識食梗係食燒鵝髀！棋子燒鵝店內更自設烤爐，保證每日新鮮製作。棋子燒鵝出品嘅燒鵝髀大大隻，肥瘦適中，皮脆肉嫩，鵝油甘香，更帶有煙燻味道，加埋酸梅醬一齊食，非常滋味。
棋子燒鵝：燒鵝五寶米
想試埋棋子燒鵝嘅其他出品，燒鵝五寶米就最適合。除咗外皮香脆嘅燒鵝之外，棋子燒鵝五寶米仲有嫩滑肥美嘅油雞、半肥瘦而脆邊嘅叉燒，加上五寶經典嘅紅腸同鹹蛋，夠晒豐富！
