【A&M Diary】尖沙咀餐廳選擇雖然多，但既係遊客區又係商業區，晏晝食飯真係唔易搵位。嚟到位於廣東道嘅鮨處松户，餐廳屬於上樓餐廳，如果唔係有喺該區返工嘅朋友推介，我諗我都唔識嚟呢間充滿和式風格嘅餐廳呀！
刺身定食
鮨處松户嘅午市套餐相當抵食，呢個刺身定食共有7款刺身，就連赤蝦都有兩大隻！帆立貝鮮甜彈牙，加上油香豐富嘅油甘魚，非常滿足。
北海丼定食
午市定食除咗主菜之外，亦會配上香滑嘅茶碗蒸。北海丼配上五款魚生，最正當然係份量十足嘅海膽，非常鮮甜，味道微甘，入口綿滑；至於赤蝦勁多蝦膏，肉身新鮮彈牙！
