【A&M Diary】咖喱可以分為紅、青、黃、白、黑五種顏色，有啲咖喱以香味作主打，有啲咖喱就以辛辣為賣點。如果講起白咖喱，你可能會諗起S餐廳；但講到青咖喱，我就諗起尖沙咀嘅Cambo ขุนทอง。而Cambo ขุนทอง除咗青咖喱之外，佢嘅泰菜選擇都非常高質。
冬蔭功
冬蔭功湯放喺小火爐上面，可以keep到成餐飯個湯都熱辣辣！冬蔭公入面有兩隻大蝦，令酸辣嘅冬陰功湯加上一份鮮甜味。
青咖喱牛腩
青咖喱嘅主要成分包括青辣椒、椰奶及各種香料，而椰奶中和番唔少青咖喱嘅辣味，所以就算唔食得辣，都會鍾意食青咖喱。Cambo ขุนทอง嘅青咖喱椰香味較濃，牛腩牛筋切得細舊又煮得好淋，用黎撈飯食就一流！
辣椒糕炒大蜆
炒香左嘅辣椒糕，確實非常惹味。每隻蜆都大大隻，完全無沙，份量都好多，唔會得個殼無肉食呀！
