【Viu】MIRROR紅館演唱會噚晚嚟到第二場，12位鏡仔士氣十足，繼續以百二分嘅energy唱爆舞台！不過始終都發生咗大家最唔想見到嘅意外，就係當皮皮Frankie喺佢講talk嘅時候，唔小心差錯腳由升降台跌咗落地，真係嚇到全場觀眾心都離啊！好彩皮皮身手好秒速爬起身，冇咩大礙可以繼續演出，不過大家都好擔心驚佢死頂，所以皮皮入番後台時都即刻喺IG Story報平安，話好彩自己福大命大只係擦傷少少！ 而噚晚個騷姜姜嘅屋企人都有嚟捧場，除咗有姜糖嘅「奶奶」姜媽同姨媽，仲有特登喺溫哥華飛返嚟睇騷嘅混血索表妹Angelina，姜糖仲爭取機會集郵添啊！完騷之後入後台搵齊腳MIRROR集郵是常識啦，真係羨慕死人喇！
