【A&M Diary】近年重慶成為中國其中一個熱門嘅旅遊城市，依山而建嘅洪崖洞、穿越大廈之間嘅輕軌鐵路，為你帶來一場視覺衝擊之外，其實重慶嘅美食同樣能為你帶來一場味覺嘅體驗！想飛？不如食咗先講啦！位於元朗嘅辛重慶，店主大量使用重慶嘅香料，製作出一道又一道嘅地道美食，辛重慶嘅出品夠晒惹味，辣得夠晒過癮。
辛重慶：酸菜魚
辛重慶嘅酸菜魚用上較少骨嘅生魚，而且大廚亦將魚骨細緻咁拎走，所以食到啖啖嫩滑嘅魚肉，唔洗驚有骨。另外，鮮魚片浸泡過微酸嘅湯汁，微辣嘅感覺，作為挑戰辣嘅初哥絕對適合！
辛重慶：毛血旺
鴨血吸收曬麻辣汁，有齊嫩、滑、麻、辣嘅體驗；至於魷魚同黃喉爽滑彈牙，同樣索滿湯汁，帶嚟另一種口感嘅體驗。其他配菜仲有午餐肉、牛柏葉，香辣味道不斷刺激味蕾，喺辛重慶食飯真係過癮又美味。
