【A&M Diary】近期同A姐一齊尋訪香港各區嘅沙嗲牛肉麵，今次我哋就嚟到新果西，呢區嘅代表就係位於元朗嘅永順食店，我哋星期六嘅朝早9點嚟到，雖然都有人龍，但因為餐廳座位多，所以唔駛排好耐，大約15分鐘就可以入座，試一試呢間名店嘅沙嗲牛肉麵啦！
沙嗲牛肉麵
呢到嘅麵底以價錢分為福麵、出前一丁同少見嘅蟹皇麵，但我哋覺得，大光麵先係茶餐廳嘅好朋友。沙牛麵一上枱，真係要讚吓店主夠晒大方，沙嗲汁勁多又夠濃，不過花生味就無好好運咁凸出，亦相對無咁鹹。至於牛肉份量夠多，而且大大塊，索晒沙嗲汁，又邪惡又滿足。
