【A&M Diary】同A姐一齊咗都一段時間，我哋嘅感情不知不覺都昇華咗，好耐都無好似以前咁，會為佢搞吓小驚喜。今日係我哋嘅紀念日，為咗重拾初相識嘅拍拖時刻，嚟到東涌嘅La Rosabelle Bar & Grill慶祝。餐廳主打歐洲宮殿風，一於邊打卡邊食lunch，作為今日行程嘅開始啦！
龍蝦扁意粉
一上枱就已經聞到濃郁嘅龍蝦汁同淡淡嘅香草香味。至於龍蝦有半隻，龍蝦厚肉，新鮮彈牙；而每條意粉都掛上龍蝦汁，好creamy，好好味呀！
烤海爐魚配烤雜菜及羅勒汁
爐魚即叫即烤，魚皮外佈滿香料，鹹香味濃仲好有層次。原條爐魚大大條，同A姐兩個share都夠食，爐魚唔算多骨，魚肉新鮮嫩滑。配菜有黃椒，茄子同翠玉瓜等，顏色豐富，賣相吸引。
Virgin Colada
嚟到夏天，就梗係要叫杯特飲啦！A姐叫咗杯Mocktail，呢杯Virgin Colada主要由椰子同菠蘿整成，好有summer嘅感覺呀！
Prosecco
夏天就最啱飲杯有汽嘅酒，所以呢杯Prosecco就啱晒喇，配條魚都幾match㗎！
