【A&M Diary】漢堡包，食就食得多，唔知港式漢堡包你又有無食過呢？就算無，相信都聽過呢間位於紅磡嘅時新漢堡飽啦！記得上次嚟仲係舊舖，但今日重臨，原來已經搬到位於黃埔嘅新址，店面光鮮咗，座位舒服咗，從外觀上雖然無咗懷舊嘅味道，但味道依然，勾起好多回憶！
終局之戰套餐
今日唔算太肚餓，同M佬 share呢個終局之戰套餐，包括：漢堡蛋包、炸薯條、炸雞脾同飲品，好抵食呀！
漢堡蛋包
漢堡用上新鮮牛肉，好juicy呀！但重點當然係個秘製時新醬，類似沙律醬，配埋雞蛋同軟熟嘅麵包，超好味呀！
炸薯條
即叫即炸，超脆呀！仲要係港式快餐店代表嘅波浪薯條呀！薯味香濃，勁有口感。
炸雞脾
同樣即叫即炸，雖然唔係坊間大大隻嗰啲生炸雞脾，但雞脾都好juicy，外皮超脆呀！
