0
0
[香港Staycation] CP值超高五星 千禧新世界酒店

[香港Staycation] CP值超高五星 千禧新世界酒店

[香港Staycation] CP值超高五星 千禧新世界酒店

【A&M Diary】香港嘅五星級酒店好多,當中唔少都係行氣派奢華路線。至於今個星期嘅Staycation,我同M佬就book咗位於尖東,前稱日航酒店嘅千禧新世界酒店玩番晚。坊間對於千禧新世界酒店staycation嘅介紹唔多,所以喺我出發前可以話係完全無期待。但玩完呢兩日一夜之後,完全覺得物超所值,性價比超高呀!

酒店大堂

酒店位於尖東,距離紅磡站或尖東站約10分鐘步程,交通非常方便;而酒店附近亦有超級市場,同勁多餐廳選擇。如果帶小朋友嚟嘅,不妨順便去埋附近嘅香港歷史博物館同科學館參觀,咁呢個兩日一夜staycation就夠晒行程豐富啦!

前身為日航酒店嘅千禧新世界酒店,仍保留唔少前身嘅設計及建築,酒店實而不華,樓高15層,並提供464間客房及套房。lobby樓底高,雖然欠缺華麗嘅氣派,但空間感十足。至於整個checkin過程非常流暢,櫃檯職員嘅服務親切又帶有笑容。至於平時book完staycation之後,到入住通常都唔記得套票嘅內容,但呢度值得一讚嘅係,職員會詳細講解我哋今次staycation套票所包嘅每一個項目,夠晒細心!

房間區域

我哋今次入住位於12樓嘅聚賢薈城景客房,景觀以附近尖東一帶嘅建築物為主。房間面積為330-390呎,房間面積非常大,空間感十足。雙人床屬於King size,床褥軟硬度適中,而床單非常柔軟,枕頭總共有4個,加上窗簾嘅遮光度十足,令今次嘅入住真係瞓得非常舒服。床嘅兩邊都有房間燈光控制鍵同窗簾控制鍵,臨瞓嘅時候就可以好方便咁熄燈同閂窗簾瞓覺啦!房間內有唔少插頭充電,但只有兩個藍牙喇叭附設嘅USB充電位。

房間嘅書枱以光潔透明嘅玻璃為枱面,位置雖然唔大,但插頭位勁多,啱晒我哋喺度寫吓稿啦!邊度有張梳化同小餐枱,酒店已預先放上歡迎水果,有橙、蘋果同青蘋果。

電視頻道嘅選擇好多,除咗本地電視台,仲有唔少海外嘅衛星節目選擇。如果都係唔啱你心水嘅,酒店仲有自家嘅電影系統,有唔少staycation package都包埋入住期間任睇,電影選擇又多又夠新,我哋呢兩日就煲咗勁多想睇好耐嘅電影喇!

房間內嘅mini bar有6個免費茶包、2枝水同2包三合一咖啡包,另外仲有收費嘅薯片。至於雪櫃內有5款飲品,包括可樂、湯力水、梳打水、蒸餾水同橙汁。至於今次我哋嘅package係包一枝紅酒同mini bar內嘅飲品,所以可以好chill咁煲劇啦!

浴室區域

浴室乾濕分離,設有浴缸同企缸,啱晒想浸浴嘅朋友啦!另外座廁亦有洗pat pat功能,而廁所板就有保暖系統,坐落去真係好舒服。至於個人用品亦十分齊全,包括牙刷、牙膏、梳、浴帽、化妝棉等,而洗頭水、沐浴露、護髮素同潤膚露就用英國嘅Elemis品牌,非常啱我心意!

另外,房內亦設有獨立嘅衣帽間,面積非常大,提供浴袍、拖鞋、體重磅、風筒、夾萬、熨斗、燙衫板同收費嘅洗衫服務。

娛樂設施

除咗房間嘅電影系統,酒店嘅娛樂設施仲有健身室同游泳池。健身室設有跑步機、單車機、划艇機、啞鈴等等,設備非常齊全。至於,泳池設於酒店嘅頂層,喺度曬吓太陽同輕輕鬆鬆游吋水都唔錯㗎! 

餐飲服務

酒店設有7間餐廳,我哋今次嘅staycation就包咗自助早餐同貴賓室服務。

Residence Lounge & Bar

入住聚賢薈客房嘅我哋,包埋全日無限次貴賓室服務,貴賓室全日都有提供免費嘅嘢食同飲品,其中每日嘅17:00-20:00就係happy hour時段,為住客提供免費嘅酒精飲品。

喺入住期間,貴賓室內無間斷提供三款熱食、三文治、麵包、蛋糕、朱古力等嘢食;飲品就有咖啡、茶、汽水同果汁。至於happy hour時段提供嘅酒精飲品,除咗啤酒,仲有雞尾酒、紅酒、白酒、有汽酒等選擇,非常豐富。但最正嘅係呢度嘅夜景,因為貴賓室位處酒店嘅高層,可以望到維港對岸嘅景色。

  1. 更多
  1. 醫管局員工陣線強調活動按會章進行 否認與職工會條例不符
    醫管局員工陣線強調活動按會章進行 否認與職工會條例不符
    15小時前
  2. 美國財政部制裁七間在港註冊公司
    美國財政部制裁七間在港註冊公司
    10小時前
  3. 【9月17日疫情速報】(22:30)
    【9月17日疫情速報】(22:30)
    11小時前
  4. 周日起暫停預約竹篙灣檢疫中心供外傭檢疫以檢視流程
    周日起暫停預約竹篙灣檢疫中心供外傭檢疫以檢視流程
    11小時前
  5. 習近平:上合組織國家應助推動阿富汗局勢平穩過渡
    習近平:上合組織國家應助推動阿富汗局勢平穩過渡
    11小時前
  6. 三名太空人轉乘專機返抵北京 需經歷三個階段觀察隔離
    三名太空人轉乘專機返抵北京 需經歷三個階段觀察隔離
    11小時前
  7. 【政情】選委會選舉周日投票 政界料選委落區陸續有來
    【政情】選委會選舉周日投票 政界料選委落區陸續有來
    11小時前
  8. 【持續更新】新型冠狀病毒疫苗接種資訊
    【持續更新】新型冠狀病毒疫苗接種資訊
    11小時前
  9. 希慎興業同意以35億人民幣代價收購長實持有的一個上海項目股權
    希慎興業同意以35億人民幣代價收購長實持有的一個上海項目股權
    12小時前
  10. 【附名單】20個地方納入強制檢測公告
    【附名單】20個地方納入強制檢測公告
    11小時前