0
0
【香港Staycation】月租罕有寵物歡迎服務式住宅 香港莎瑪炮台山服務式公寓

【香港Staycation】月租罕有寵物歡迎服務式住宅 香港莎瑪炮台山服務式公寓

【香港Staycation】月租罕有寵物歡迎服務式住宅 香港莎瑪炮台山服務式公寓

【A&M Diary】土地問題除咗係歷任政府嘅難題,亦係唔少香港人嘅生活所需。想過二人世界、追求私人空間?除咗weekend嘅Staycation,月租酒店近期都有唔少優惠,租期比租樓有彈性,更重要係可以享受酒店式嘅服務添!位於港島區嘅莎瑪炮台山服務式公寓(Shama Fortress Hill Hong Kong),無論係新婚嘅二人世界,定係一家四口嘅小康之家,莎瑪炮台山服務式公寓都有唔少房型選擇,更大賣點係歡迎寵物入住,今次我同M佬趁屋企裝修,就帶埋我哋嘅B狗嚟住一排啦!

服務式住宅大堂
莎瑪炮台山服務式公寓位於炮台山港鐵站旁邊,步程僅需1分鐘;而除咗港鐵,亦可選擇乘搭電車同前往各區嘅巴士路線,地理位置真係無得輸呀!另外,服務式住宅附近就有超級市場、便利店同餐廳食肆,生活配套非常方便,啱晒長住嘅住客啦!

大堂位於2樓,設有免費嘅capsule咖啡同茶,喺辦理check-in嘅時候,就可以嘆住杯咖啡了解入住須知。另外,平時住客亦可以嚟到大堂,免費享用咖啡同茶㗎!服務式住宅樓高19層,提供115間客房,房型以唔同面積分為一房一廳、一房兩廳、兩房一廳同兩房兩廳等間隔,適合唔同人士選擇。

另外,近年飼養寵物風氣盛行,所以服務式住宅亦兼顧寵物住客,設有專用嘅電梯,歡迎寵物入住,連我哋嘅B狗都表示入住愉快呀!

房間大廳
Check-in完之後,需要利用匙卡搭電梯前往入住樓層,保安度高。我哋入住嘅房間係兩房兩廳連露台,係呢間服務式住宅其中一間最具代表性嘅客房。房間大廳呈正方形,採光到十足,中間放有大大張梳發同茶几,一家人可以坐喺度睇吓電視,閑話家常。電視頻道選擇甚多,除咗一般嘅本地免費電視頻道,亦有其他國家頻道,睇波睇戲都有唔少選擇。如果咁多個頻道都唔啱睇,房間亦有DVD機同音響系統,可以喺2樓嘅大堂租借港產及中外電影,客廳即時變成私人電影院。

至於飯廳就有一張長長嘅餐枱,除咗可以聚餐食飯,亦可以成為辦公枱。

值得一題係每間房間都有專屬嘅房務員,除咗一般嘅房間打掃同每星期兩次更換床上用品及毛巾之外,佢亦都會了解你嘅生活習慣,讓你喺入住嘅時候更加舒適寫意。

房間區域
客房內設有兩間套房,房間位於內街,相對較靜,而其中一間房,仲望到少少海景添,夠晒開揚。兩間套房嘅雙人床屬於Queen size,係莎瑪特製嘅Slumber睡床配特柔軟床墊,軟硬度適中,床單非常柔軟,加上窗簾嘅遮光度十足,喺度瞓覺真係非常舒服。床嘅兩邊都有床頭櫃,放吓眼鏡或電話都得,而其中一間房仲有藍芽喇叭,除咗聽歌仲可以透過喇叭作為USB充電位呀!而每間房間都有電視,臨瞓前睇吓電視放鬆吓都唔錯。另外,衫褲鞋襪比較多嘅朋友亦可以放心,兩間房間都有大大個衣櫃㗎!順帶一提,衣櫃內亦設有電子保險箱。

浴室區域
話明套房,所以兩間房間都有獨立浴室,浴室乾濕分離,其中一間係浴缸,另外一間係企缸,想浸浴定淋浴,悉隨尊便。服務式住宅亦有提供牙刷、牙膏、浴帽、拖鞋、剃鬚刀等個人用品,其中沐浴露、洗頭水、護髮素同潤膚露更加係澳洲品牌METIS添!

  1. 更多
  1. 李家超:支聯會綱領涉危害國家安全 政府有責任防範
    李家超:支聯會綱領涉危害國家安全 政府有責任防範
    25分鐘前
  2. 【10月27日疫情速報】(14:20)
    【10月27日疫情速報】(14:20)
    10分鐘前
  3. 羅致光:須有序讓外傭來港免觸動航班熔斷機制
    羅致光:須有序讓外傭來港免觸動航班熔斷機制
    19分鐘前
  4. 北京冬奧實施閉環管理 如違防疫規定或被取消參賽資格
    北京冬奧實施閉環管理 如違防疫規定或被取消參賽資格
    52分鐘前
  5. 巴西參議院一個委員會通過調查報告 擬告博索納羅
    巴西參議院一個委員會通過調查報告 擬告博索納羅
    1小時前
  6. 澳洲下周一起撤銷防疫出境限制
    澳洲下周一起撤銷防疫出境限制
    1小時前
  7. 聯合國環境署預測本世紀氣溫上升攝氏2.7度
    聯合國環境署預測本世紀氣溫上升攝氏2.7度
    1小時前
  8. 習近平拜登年底前進行視像會晤 推動密集外交
    習近平拜登年底前進行視像會晤 推動密集外交
    1小時前
  9. 內蒙古官員向滯留旅客致歉 各景區贈送門票三年內可到訪
    內蒙古官員向滯留旅客致歉 各景區贈送門票三年內可到訪
    1小時前
  10. 內地免疫專家:新冠疫苗加強針應選擇相同技術路線
    內地免疫專家:新冠疫苗加強針應選擇相同技術路線
    1小時前