0
0
【香港Staycation】充滿度假feel 西貢白沙灣The Pier

【香港Staycation】充滿度假feel 西貢白沙灣The Pier

【香港Staycation】充滿度假feel 西貢白沙灣The Pier

【A&M Diary】呢一年玩咗唔少staycation,大部份都係選擇位於鬧市嘅品牌酒店,但其實The Pier一直都喺我哋staycation嘅bucket list之內。The Pier位於西貢白沙灣,擁有先天性嘅無敵海景,真係好有度假feel㗎!不過,The Pier嘅服務同房間保養確實麻麻,令今次整體嘅入住體驗減咗唔少分。

前往方法
1.自駕遊:酒店設有收費停車場,價錢唔平,但勝在可以無限次數出入;另外,酒店旁邊設有唔少咪表停車位,但如果假日嚟到,就記住記住記住一定要準時入錶,因為抄牌非常嚴重
2.免費穿梭巴士:酒店提供往返坑口港鐵站及西貢市中心嘅接送服務
3.公共交通工具:前往白沙灣巴士站嘅巴士及專線小巴

酒店大堂
大堂設計雖然簡約,但一塊正對住大海嘅落地玻璃已讓人充滿放假嘅心情。可惜放假嘅喜悅心情唔係維持好耐,就被check-in嘅過程大打折扣喇!

話晒check-in係入住酒店嘅第一站,理應留下一個好印象。可惜因為疫情期間,酒店員工都戴上口罩,已經極難感受佢哋嘅笑容,當我哋嚟到櫃檯,佢哋依舊坐喺度,迎接我哋嘅方法就只係「岳」高個頭,連起身呢啲咁基本嘅尊重同禮貌都無。另外,櫃檯因為放有分隔板,加上員工聲量太細,我哋好有禮貌咁希望佢重複講一次,點知佢就表現得勁唔耐煩,雖然大聲唔代表惡,但我哋完全感受唔到服務性行業嘅基本禮儀喇!

此外,大家一定要留意,The Pier嘅check-in時間係15:00,就算我哋係平日入住,亦只係早咗15分鐘嚟到,酒店都會以房間好full為理由,未能安排提早入住,結果見到lobby都係坐滿辦理好手續嘅住客,直到準時15:00,職員就會分派房卡;同樣地check-out時間係12:00,亦無任何走盞位,我哋有一剎那以為自己去咗時鐘酒店,每一個鐘頭都係咁寶貴。

房間區域
The Pier 樓高3層,提供7種房型合共40間客房,而我哋今次入住嘅就係豪華露台房。房間面積非常大,空間感十足。雙人床屬於King size,床褥軟硬度適中,而床單非常柔軟,枕頭總共有4個,略嫌較扁,但如果將2個疊起嚟瞓就啱啱好喇。床嘅兩邊都有床頭櫃,亦有插頭位方便充電,但要留意成間房只有一個藍牙喇叭附設嘅USB充電位。另外,呢個藍牙喇叭嘅鬧鐘清晨5點響起,相信係上一手留低嘅大整蠱,但執房嘅房務員,理應執房時要重新reset,搞到我哋無端端就被叫醒。

除咗雙人床之外,房間嘅偏廳位置仲有一張小梳化同餐枱,二人世界煮完飯仔,就可以喺度飲吓嘢、傾吓計。

值得一讚嘅係,電視內設有Youtube同Netflix,有唔少電影同劇集選擇,留喺房度煲劇就絕對唔怕悶啦!

浴室區域
至於浴室嘅清潔衞生都係麻麻,仲有唔少前住客嘅頭髮呀!浴室乾濕分離,而酒店大部份房型都係採用企缸。至於個人用品亦十分齊全,包括牙刷、牙膏、梳、浴帽、化妝棉等,而洗頭水、沐浴露、護髮素同潤膚露就用自家品牌,質素ok啦,如果有需要就自行攜帶啦!另外,亦有提供浴袍、拖鞋、體重磅、風筒、夾萬同收費嘅洗衫服務。

廚房區域
但講到全間房最污糟嘅地方就係廚房!廚房面積唔大,設備亦唔多,但應有嘅都齊全,例如碗、碟、餐具、煲、平底穫、鍋鏟、雪櫃同焗爐,但全部都係「笠痴痴」,一定要徹底洗乾淨,先可以使用!如果大家真係諗住煮飯嘅,就要記住自備埋調味品喇!

  1. 更多
  1. 選委會選舉周日舉行 5個一般票站朝9晚6投票
    選委會選舉周日舉行 5個一般票站朝9晚6投票
    45分鐘前
  2. 法改會倡設「沒有保護罪」 熊運信相信通報機制不會被濫用
    法改會倡設「沒有保護罪」 熊運信相信通報機制不會被濫用
    40分鐘前
  3. 劉澤星:港童第二劑復必泰後心肌炎機率增或與體型有關
    劉澤星:港童第二劑復必泰後心肌炎機率增或與體型有關
    45分鐘前
  4. 法國因應澳洲取消採購潛艇 召回駐美、澳大使
    法國因應澳洲取消採購潛艇 召回駐美、澳大使
    1小時前
  5. 美國專家小組反對廣泛地為民眾接種加強劑
    美國專家小組反對廣泛地為民眾接種加強劑
    1小時前
  6. 鄭州雨災大量汽車損毀 部分流入二手市場
    鄭州雨災大量汽車損毀 部分流入二手市場
    2小時前
  7. 美軍承認上月無人機攻擊誤殺阿富汗平民
    美軍承認上月無人機攻擊誤殺阿富汗平民
    2小時前
  8. 職工盟部分執委會成員已離任 消息:執委會通過啟動解散
    職工盟部分執委會成員已離任 消息:執委會通過啟動解散
    2小時前
  9. 美軍驅逐艦周五通過台海餐 為本年第九次
    美軍驅逐艦周五通過台海餐 為本年第九次
    2小時前
  10. 國台辦批評美英澳將台灣納入印太戰略
    國台辦批評美英澳將台灣納入印太戰略
    2小時前