0
0
【香港Staycation】超現實北歐主題打卡 尖沙咀帝樂文娜公館

【香港Staycation】超現實北歐主題打卡 尖沙咀帝樂文娜公館

【香港Staycation】超現實北歐主題打卡 尖沙咀帝樂文娜公館

【A&M Diary】前排每個weekend都同A姐郊遊行山,所以嚟緊嘅long weekend同公眾假期,就玩Staycation輕鬆吓啦!嚟到位於尖沙咀嘅帝樂文娜公館,酒店大玩超現實主義設計,由踏入大堂開始,已經有唔少打卡位,夠晒驚喜,絕對顛覆你嘅視覺體驗。另外,今次嘅Staycation package包晒三餐,仲要係香港一向少見嘅北歐菜,CP值夠晒高。

酒店大堂
酒店位於尖沙咀鬧市,大概步行5分鐘,就可以去到尖沙咀/尖東港鐵站或前往彌敦道搭乘往各區嘅巴士路線。喺酒店附近就係各個大型商場、諾士佛台、人氣日式超市同二十四小時超級市場等等,想行街買嘢同補給日用品都好方便!

酒店設於金巴利道嘅玻璃門只係側門,我哋建議由旁邊嘅正門進入酒店,感受另一番風味。大門行中國風,除咗左右兩邊嘅獅子門環,仲掛上142個門鈴,好有氣勢!再細心啲睇,門鈴後面係西式嘅雕花,加上櫻桃木嘅顏色,真係匠心獨韻。當推開中式大門,視覺就會立即轉變成達利(Salvador Dali)風格,形成強烈對比。

酒店大堂地板以馬賽克鋪出圓形羅盤、時鐘等圖案,行抽象同虛幻風格;而大堂嘅梳化玩味十足,非常浮誇,係超現實嘅歐洲特色設計。雖然話係歐洲風,但其實亦隱含五行元素,糅合咗東西方同後現代色彩,所以喺酒店大堂經已驚喜處處!

另外,值得一提嘅係呢張老夫子座椅,係由老夫子作者親自設計,全港只係得兩張咋!

另外,持有房卡亦可享有Sasa及Hutong Footbath指定分店之優惠。

客房區域
酒店設有159間客房,包括6間唔同主題嘅套房。我哋今次入住嘅係deluxe room,一入到嚟房間,牆壁上嘅畫框、歐洲仿古傢俬及仿製壁爐,真係好似去咗歐洲啲Airbnb,A姐表示勁有旅行嘅感覺!

A姐最鍾意就係房間內嘅古典茶几櫃,非常古典優雅!喺茶几就放有電熱水壺、免費嘅茶包、咖啡包、蒸餾水、雪櫃同另外收費嘅Mini Bar。

位處鬧市內嘅酒店,雖然就夠晒方便,但景觀就以旁邊嘅大廈為主。至於雙人床屬於King size,床褥軟硬度適中,而床單非常柔軟,枕頭總共有4個,加上遮光度十足,真心瞓得非常舒服。床嘅兩邊都有床頭櫃同插頭位,放吓眼鏡或電話都夠晒方便。

喺靠窗嘅位置,就係偏廳同工作位置,除咗有一張梳化之外,亦有一張長長嘅書枱,無論做嘢定擺嘢都有足夠位置。

另外,當我哋入到嚟房間,酒店亦送上歡迎嘅蛋糕、曲奇同甜品,份量非常多,夠晒驚喜!

  1. 更多
  1. 北部都會區居民盼原區安置 議員促鐵路支線先行
    北部都會區居民盼原區安置 議員促鐵路支線先行
    1小時前
  2. 警方東九龍反罪惡行動拘十七人
    警方東九龍反罪惡行動拘十七人
    22分鐘前
  3. 台灣新北虎豹潭尋獲被沖走4人 將究責組織活動公司
    台灣新北虎豹潭尋獲被沖走4人 將究責組織活動公司
    1小時前
  4. 日揆岸田文雄向靖國神社供奉祭品 韓表遺憾促正視歷史
    日揆岸田文雄向靖國神社供奉祭品 韓表遺憾促正視歷史
    1小時前
  5. 【持續更新】香港新型冠狀病毒肺炎確診個案追蹤
    【持續更新】香港新型冠狀病毒肺炎確診個案追蹤
    2小時前
  6. 俄羅斯攝製隊完成太空取景 真實太空人有份客串
    俄羅斯攝製隊完成太空取景 真實太空人有份客串
    3小時前
  7. 社協調查發現基層學童上網課致成績退步 促檢討全面復課指標
    社協調查發現基層學童上網課致成績退步 促檢討全面復課指標
    3小時前
  8. 政府向內地提通關碼建議 經同意下上傳安心出行資料
    政府向內地提通關碼建議 經同意下上傳安心出行資料
    3小時前
  9. 吳秋北︰理解譚耀宗不獲批赴京決定
    吳秋北︰理解譚耀宗不獲批赴京決定
    3小時前
  10. 本港增三宗輸入確診均涉變種病毒
    本港增三宗輸入確診均涉變種病毒
    3小時前