0
0
【香港Staycation】迷人城門河馬場景 香港沙田萬怡酒店

【香港Staycation】迷人城門河馬場景 香港沙田萬怡酒店

【香港Staycation】迷人城門河馬場景 香港沙田萬怡酒店

【A&M Diary】喺香港住酒店玩Staycation成為大家其中一個weekend熱門娛樂節目,所以我哋呢段時間都玩咗唔少主題嘅Staycation Package,好似有啲以食為主,有啲就以氣派為主,但講到CP值高嘅,我哋就推介萬豪國際(Marriott International)旗下嘅萬怡酒店,上次就試過位於西營盤嘅香港萬怡酒店,A姐十分滿意,所以今次就嚟到香港沙田萬怡酒店(Courtyard by Marriott Hong Kong Sha Tin),繼續我哋住得正嘅系列。

酒店大堂
香港沙田萬怡酒店位於沙田石門,喺石門港鐵站C出口,行5分鐘就到喇,雖然石門唔係沙田嘅市中心,但喺石門港鐵站對出亦有商埸,無論生活百貨定餐廳都有唔少選擇。另外,酒店亦有提供免費接駁巴士,往返大學站、科學園、新城市廣場、圓方同尖沙咀中間道。

嚟到酒店位於1樓嘅大堂,樓底非常高,喺大堂仲放有唔少藝術品,其中最囑目就係樓高2層蜿蜒翻捲嘅玻璃雕塑,呢個雕塑由58,775個柔性玻璃組成,長達200英尺,營造出優美靈活又放鬆嘅感覺。

客房區域
香港沙田萬怡酒店喺2013年2月開幕,樓高30層,提供524間客房,係亞洲最大同全球第二大嘅萬怡品牌。我哋今次入住嘅係位於28樓嘅河景行政客房(Executive River King)。平時我哋住酒店,通常都係海景或者城市景,真係第一次以河為景,不時仲會睇到城門河上玩獨木舟同龍舟嘅練習,加上行政房間嘅樓層比較高,可以睇到沙田馬場,甚至遠眺吐露港嘅景色。另外,因為今日萬里無雲,仲可以睇到八仙嶺嘅山脈添!

雙人床屬於標準size,軟硬度適中,床單好柔軟。枕頭總共有4個,兩個較軟,兩個較硬,瞓覺都算舒服呀!窗簾嘅遮光度一流,但就唔係電動模式,所以臨瞓同起身嘅時候都要行埋去拉同閂窗簾。

床嘅兩邊都有插頭,方便大家充電,加上智能鬧鐘提供兩個USB充電位,仲可以用藍芽接駁電話播放音樂,音質都算唔錯。

另外,客房區域內亦設有書檯,望住河景,夠晒開揚。仲有提供USB充電位同萬用插頭,方便遊客使用。

房間內亦設有mini bar,免費提供蒸餾水、茶包同咖啡包。衣櫃內仲有保險箱、拖鞋、浴袍等等,夠晒貼心!

浴室區域
浴室簡簡單單,光猛整潔,呢個房種係企缸,範圍都唔細。至於沐浴用品係使用酒店自家品牌Nirvae,味道算清淡,但如果用唔慣就記住自行準備喇!至於其他個人用品都齊全,包括:剃鬆刀、牙刷、梳等等。

泳池、健身室
酒店設有泳池同健身中心,泳池十分之大,仲有3個按摩水柱,但要留意冬天時泳池就會關閉;而健身室內嘅設施齊全,可以玩成個下晝。至於景觀就以附近嘅建築物同住宅為主。

餐飲服務
酒店嘅餐廳設有MoMo Cafe、LEVELthirty觀景酒廊同大堂吧。

大堂吧
鑑於疫情影響,30樓嘅行政酒廊暫停開放,改到一樓嘅大堂吧,入住行政客房或萬豪旅享家(Marriott Bonvoy)嘅白金卡或以上之住客就可以嚟到享用全日免費嘅咖啡、茶、汽水同小食。

  1. 更多
  1. 政府周三起將智利、羅馬尼亞等列為A組地區 非香港居民不准入境
    政府周三起將智利、羅馬尼亞等列為A組地區 非香港居民不准入境
    4小時前
  2. 斯洛伐克官商代表團抵達台灣訪問六日
    斯洛伐克官商代表團抵達台灣訪問六日
    27分鐘前
  3. 國家隊代表到香港體育學院及警察學院交流
    國家隊代表到香港體育學院及警察學院交流
    1小時前
  4. 英國威廉王子錄製廣播節目推廣精神健康
    英國威廉王子錄製廣播節目推廣精神健康
    3小時前
  5. 北韓批美國邊鼓吹中國威脅論 邊發動軍備競賽
    北韓批美國邊鼓吹中國威脅論 邊發動軍備競賽
    3小時前
  6. 澳洲和美國均出現Omicron變種新冠病毒社區傳播
    澳洲和美國均出現Omicron變種新冠病毒社區傳播
    3小時前
  7. 【12月5日疫情速報】(1845)
    【12月5日疫情速報】(1845)
    3小時前
  8. 印尼塞梅魯火山造成至少14死 附近一帶空氣嚴重污染
    印尼塞梅魯火山造成至少14死 附近一帶空氣嚴重污染
    4小時前
  9. 新華社 : 恒大問題屬個案風險 風險由不確定變為確定
    新華社 : 恒大問題屬個案風險 風險由不確定變為確定
    4小時前
  10. 緬甸仰光示威期間 據報軍方駕車撞向人群至少5死
    緬甸仰光示威期間 據報軍方駕車撞向人群至少5死
    4小時前