【A&M Diary】喺深水埗好出名嘅蘇媽，原來唔係一個人嚟㗎！所指嘅「蘇媽﹒蘇媽」其實係馬拉文「乜嘢都有」嘅意思。的而且確，呢度有好多馬來西亞傳統嘅菜式，加上店內以馬來風設計，真係好似去咗南洋呀！
檳城白咖哩麵
白咖哩麵嘅麵底係油麵，配料有豆角、芽菜、魚蛋、蝦、蛋同豬紅，而重點當然係特色嘅參巴醬啦！咖哩味唔濃，反而椰香味較重，都幾惹味。
招牌砂煲老鼠粉
吉隆坡瓷廠街有好幾間出名食老鼠粉嘅店舖，唔知你有無食過呢？其實老鼠粉即係銀針粉，加上豬肉碎、魚乾、豬油渣同雞蛋，隻雞蛋可惜上枱就爛咗，賣相未算吸引，食之前撈勻，但要小心砂煲嘅煲身熱，唔同嘅配料加埋一齊食，非常有口感，調味唔錯，鹹香十足。
