【A&M Diary】認識美都餐室都係因為港產片，因為好多香港電影、電視劇都會嚟到呢到取景，所以一直都深得遊客喜愛。趁依家無乜遊客，我哋都去美都餐室打卡啦！美都餐室係一間港式冰室，店內嘅設計好懷舊，特別係嗰部上世紀嘅收銀機，真係好有價值。不過，呢度嘅餐飲價錢好貴，食物質素又唔係話凸出，加上冰室又唔會有好嘅服務態度，所以呢個價錢主要都係食呢度嘅風味。
公司三文治
去親舊式冰室，公司三文治都係我嘅最愛，三文治配料有雞蛋、蕃茄、牛餐肉同火腿，不過就無醬汁，食落比較乾。麵包有烘過，都算脆口。
