【A&M Diary】荔枝窩位於船灣郊遊公園東北嘅海岸線，正對面就係吉澳。
（想了解吉澳有咩玩？詳情按此）
以前想去荔枝窩，就要由鹿頸出發，大概9公里嘅路程，先入到村，所以被稱為：被遺忘的村落。但依家想去荔枝窩？就方便得多喇！
交通
以前去荔枝窩除咗步行，仲可以參加本地團。但依家逢星期六、日及公眾假期就可以坐聲威街渡，由馬料水3號碼頭往返荔枝窩喇！至於票價方面係大小同價，來回HK$90，單程HK$50。
客家村落
落船後，行大概10分鐘，就會去到已經有300年歷史嘅荔枝窩村，曾經係新界東北最大嘅客家村落，村民大部份都係曾氏族人，雖然依家村內得番好少常住居民，但仍有少部份居民定居或假日返嚟度假。
客家小食
講到客家特色，又點少得茶粿呢？
協天宮
喺荔枝窩廣場上，就有協天宮同鶴山寺。呢兩座寺廟約建於清朝光緒期間，分別供奉關帝同觀音菩薩，被評為三級歷史建築。而每十年舉辦嘅打醮活動，就喺係呢度舉行㗎喇。
客家風水林
嚟到荔枝窩，就一定要行吓風水林。其中呢棵大榕樹，雖然樹幹中央被蛀咗個大咕噥窿，但仍然生長茂盛，所以被稱為「空心樹王」。而另一棵值得大家留意嘅就係呢棵秋楓樹，樹根緊纏住主樹幹，形成融為一體嘅局面，表面好似一個感人嘅愛情故事，但呢一方面，呢棵樹其實好大機會被絞殺。
