0
0
〈好遊〉週末食玩輕旅 粉嶺雲泉仙館

〈好遊〉週末食玩輕旅 粉嶺雲泉仙館

【A&M Diary】A姐話因為疫情無得去旅行,生活開始乏味,所以我今日就負責plan行程,令佢今個weekend都過得有旅行feel啦!除咗玩Staycation,其實去下郊遊都好舒服。但又怕離島多人,所以今日約埋屋企人嚟到粉嶺雲泉仙館,除咗有齋菜食,仲可以行下館內嘅池園,平靜一下平時煩燥嘅心情。今個weekend就同屋企人去輕遊一下雲泉仙館啦!

嚟雲泉仙館嘅除咗可以搭巴士或小巴,亦都可以揸車前往。呢度嘅車位唔多,但勝在免費,記住先到先得㗎!我哋選擇咗農曆十五去,人流好多,等泊車真係要多少少耐性。

七彩素拼盤
食齋菜又點少得酸齋、咖哩齋同素叉燒呢?拼盤份量好多,我就最鍾意咖哩齋,雖然齋菜普遍偏淡味,但呢個咖哩齋嘅咖哩香味十足,又夠入味。

如意菰時菜
如意菰嘅菰味香濃,加上用素蠔油去炆,好好味,而且口感煙韌,唔知以為食緊鮑魚呀!時菜係菜心,聽講係新界種植,所以特別鮮甜爽口。

五柳素石斑
五柳素石斑基本上係每次食齋嘅必點項目(除咗一向唔食芋頭嘅A姐)。炸漿夠薄,而芋頭蓉好creamy,外脆內軟,酸甜汁更加令到素石斑更開胃!

春卷拼西檸鴨
西檸汁為呢個西檸鴨加晒分,好惹味,而且素鴨先輕輕煎過,所以做到好似鴨皮咁!春卷就好脆口,入面係爆多餡,好有口感。

豉椒炒田螺
呢個豉椒炒田螺絕對係驚喜之作!用蒟蒻做到田螺嘅神粹,無論外型,顏色都好似,爽口彈牙,配埋豆豉去炒,非常惹味!

碧綠排骨
排骨?計我話,就更似龍蝦丸。荷蘭豆飽滿,味道偏淡,老人家就啱晒。

美果扒雙菰
草菇同磨菇都炒得好香,雖然就無咩驚喜,但配飯就一流喇。

椒鹽花枝片
A姐話佢細細個嚟,呢個椒鹽花枝片係必食項目,但今日嚟到,炸得唔夠香脆,又唔夠熱,椒鹽又落得好少,有啲失望。

喺雲泉仙館嘅白粥同白飯係自助任食,而白粥用腐竹同白果煲成,清香十足,所以我不知不覺食咗6碗。

食飽飽就喺雲泉仙館內四圍行吓!雲泉仙館建於1986年,供奉道教純陽師祖呂洞賓嘅道觀。事不宜遲,即刻入去睇睇,行吓啦!

「福祿壽」 像
雲泉仙館以仿古中式宮殿建築群為主體,大門口就題咗「雲泉仙館」四個大字。後面就有福祿壽三星(左至右:壽星、福星、祿星),好多人都同佢哋合照,攞番個好意頭。

中式庭園
經過餐廳後,就係中式庭園,因應唔同季節會有唔同嘅花做主題,影相都幾靚㗎!

涼亭白橋荷花池
今日嚟到,啲荷花開得好靚呀!好多攝影發燒友都set好晒腳架影相,而荷花池正中央嘅白橋同涼亭,更加係雲泉仙館嘅必影景點,連TVB古裝嘅御花園都成日喺呢度取景。

  1. 更多
  1. 習近平與馬克龍會談 習近平指中法要堅持獨立自主
    習近平與馬克龍會談 習近平指中法要堅持獨立自主
    3小時前
  2. 【足本全文】習近平在中法企業家委員會第六次會議閉幕式上的致辭
    【足本全文】習近平在中法企業家委員會第六次會議閉幕式上的致辭
    2小時前
  3. 哈馬斯宣布接受埃及與卡塔爾的加沙停火建議
    哈馬斯宣布接受埃及與卡塔爾的加沙停火建議
    4小時前
  4. 哈馬斯宣布接受埃及與卡塔爾的加沙停火建議
    哈馬斯宣布接受埃及與卡塔爾的加沙停火建議
    4小時前
  5. 習近平與馬克龍會談 習近平指中法要堅持獨立自主
    習近平與馬克龍會談 習近平指中法要堅持獨立自主
    5小時前
  6. 尖沙咀女子被兩男推上私家車疑禁錮 其後尋回無受傷
    尖沙咀女子被兩男推上私家車疑禁錮 其後尋回無受傷
    5小時前
  7. 習近平與馬克龍大範圍會談 習近平指需防止新冷戰
    習近平與馬克龍大範圍會談 習近平指需防止新冷戰
    5小時前
  8. 習近平參與中法歐領導人三方會晤 指中國視歐洲為外交重要方向
    習近平參與中法歐領導人三方會晤 指中國視歐洲為外交重要方向
    6小時前
  9. 渠務署指周六將軍澳停車場水浸 因附近山坡山泥傾瀉
    渠務署指周六將軍澳停車場水浸 因附近山坡山泥傾瀉
    6小時前
  10. 習近平國事訪問法國 與馬克龍會談
    習近平國事訪問法國 與馬克龍會談
    6小時前